Interneten kontsumoa etengabe haziz doan garai honetan, garrantzitsua da konuan hartzea internet ez dela beste medio arrunt bat, bertan medioak eraikitzeko egitura baizik.

Commnity Managerrak betetzen duen funtziorik garrantzitsuena, errepresentatzen duen enpresa eta honen bezeroen arteko konexioa mantentzea da. Enpresaz kanpo, honen ahotsa izango da bezeroentzat, enpresa bane berriz, bezeroena. Bezeroen ahotsa izateak errespontsabilitate batzuk ditu. Esate baterako, hauen jakin nahiak asetzeaz arduratu beharko da, eta bezeroen onuraren alde egin beharko du beti. Enpresarekin hitz egin beharko du bezeroen usteak espresatzeko, eta ahal den heinean eskatzen dituzten hobekuntzak lortzeko.

Ez da ardura erraza, izan ere askotan bezeroen eskaerak enpresa berak baztertuko ditu, eta horrelako kasuetan Community Managerraren egin beharra izango da baztertze horren arrazoiak bezeroei azaltzea. Askotan bezeroak ez dute ulertuko edo ulertu nahiko.

Honelako lan postu bat betetzeko, hainbat ezaugarri bete behar dira. Hasteko, komunikatzaile ona izan behar da eta jarraian, web 2.0ko aplikazioak kontrolatzen jakin behar da. Izan ere, beteko dugun komunikatzaile funtzioa bertako aplikazioen bidez egingo dugu. Esate baterako, sare sozialak erabiliko genituzke bezeroekin kontaktuan egoteko, Tuenti, Facebook, Twitter… Blogak ere erabiliko genituzke, eta bestelako webguneak ere.

Beharrezko beste ezaugarri bat liderrak ezberdintzeko gaitasuna izango litzateke. Kapazak izan beharko gera bezeroen  arteko posiblezko liderrak ezberdintzen, haiekin tratu berezi bat eduki eta bezero talde orokorragoen ahotsa izateko.

Teknologia berriez inguratutako lan postua da, eta nire ustez etorkizunean asko zabalduko dena. Oraindik ez da gehiegi entzuten baina… ea urte batzuen kontuan…

Galtza bakeroen poltsikoan mugikorra dudalaz konturatu naiz, gertatzen ari dena kontu behar diot norbaiti baina… zer ari da gertatzen?

Isiltasun osoz krisketa ireki dut eta atea poliki-poliki zabaltzen ari nintzela komunean norbait sartu da, burua media batekin estalita dauka, kanpoko ateko zirrikitutik korridoreko zona bat ikustera ailegatu naiz eta…. Ene! Nire gelakide guztiak bahitu dituzte! Lurrean etzanda daude guztiak, ezin mugitu, ezin laguntza eskatu…. Orduak iruditu zaizkidan tartean, morroia komunetik atera da eta nagen komunaren krisketa itxi dut berriro. Ongi da, hasteko, emergentziatara deitu dut egoera azaltzeko, bahitzaileak armaturik daudela kontatu diet. Egoera ez da erraza, laguntza ailegatu arte denbora pasako da eta zorte asko beharko dut komunean nagoelaz  inor ez konturatzeko.

Berriro ere oin hotsak honantz…  arnasa hartzeari utzi diot, ez dakit momentuko presioa edo urduritasuna den baina zera bururatu zait, morroia berriz ere atea irekitzerakoan, mugikorrarekin korridoretik ikusten den zatiari argazki bat aterako diot, ondoren, kanpoan dagoen edonori bidaltzeko mezu labur batekin: laguntza, bahiturik gaude.

Zeinek daki, beharbada ondo aterako da gauza…. Edo ez. Orain bai, itxarotea bakarrik daukat…

Iban Arantzabal etorri da gaur klasera Goiena proiektuaz hitz egiteko. Goiena proiektuaz eta informazio komunitatearen garrantziaz. Hasteko, Goiena osatzen duten hainbat proiektu aurkeztu dizkigu, esta baterako, Danbaka .com (musikaleentzat komunitatea), Goiena.net (Debagoieneko albisteak lantzen dituen webgune bakarra, bere blog eta sekzio ezberdinekin)…

Goiena proiektuan komunitateak dauka benetako garrantzia. Euskara ardatz bat da baina garrantzitsuena komunitatea da. Egunero 2400 lagun ezberdin sartzen dira goiena.comera eta blogetik bisita asko etortzen dira. Blogak euskaraz dira baina ez dute euskararen bandera hori, denentzat bideratutako proiektua da. Euskaraz dakitenentzat eta hain ondo ez dakitenentzat, mota guztietako bisitariak ditu.

Goiena proiektuak hainbat jabe ditu; euskarazko elkarteak , udaletxeak ere eta gero lan bazkideak. Haien artean hartzen dira beharrezko erabakiak.

Goiena proiektuan, Tokiko.tv aurki dezakegu. Telebista ikusi ahalko da internet bidez, edukiak bertan egongo dira eta beste kanalen programazio berezi edo interesgarrienak aukituko ditugu. Euskarazko telebistak izango dira. Komunitateak ez du mugarik, horretarako erabiltzaileak haien gustoko edukiak aukeratu ditzakete eta elkareragin komunitate bat sortuz.

Goienak bezeroen bihotzetara ailegatu nahi du, eta horretarako eskaintza ezin hobeak aurkezten dizkigu. Hortaz, ezuste atsegina izango delakoa, bertako edozein proiektu ezagutzera gonbidaten zatuztet!

Irudiei dagokienez bi emaitza atera dira, bat Twiterreko argazki printzipalarena eta bestea Marta Prol nire gelakideak bere blogean eskegitakoa.

Harrigarria da zenbateko informazio pertsonala aurki dezakegun interneten, pertsonalki pribatutasuna gogoko dut eta ondorengoaz konturatu naiz, ez publikatu edonork ez ezagutzea nahi duzuna.

Gainera eta betiko moduan, aplikazio honen erabilera sinple sinplea da, agertzen zaigun egutegia orduro zatituta dago eta, horietako ordu batean klik eginez nahi duguna apuntatzeko leiho bat irekiko zaigu. Honetaz gain, gertakizun bat gordetzeko “Crear evento”-n klik egin eta agertzen zaigun lihoa oraindik konpletuagoa da. Liho honetan, data, ordua eta gertakizun horren iraupena ere zehaztu ahal izango dugu.

Aipatzeko beste abantaila bat pribatasunarena da. Sortzen ditugun egutegiak publiko edo pribatu bilakatzeko aukera dugu, hau da, guk erabaki dezakegu sortutako egutegiak besteek ikus dezaketen hala ez.

Probetxuzko aplikazio bat da eta probatzera gonbidatzen zaituztet, erabilgarri aurkituko duzuela espero dut.

Sustatun jorratzen diren gaiak hainbat dira, gainera denborarekin atalak gehituz joan dira. Gaur egun interneteko gaiak, interneteko folklorea, hizkuntzak, euskara eta interneten arteko erlazioa moduko gaiak aurki ditzakegu.

Weblog hau lanean edo bulegoan ari direnentzat dago zuzendua, esate baterako, lanean gauden bitartean denbora pixkatxo bat galtzeko eta aldi berean azken berriez informatzeko. Hala ere, aipatutako gaiez informatu nahi duen edonorentzat zuzenduriko webgunea da eta ez ahaztu aisialdirako tresna ere badela.

Aste egun batean dituen bisita kopurua 2000 eta 2500 ingurukoa da eta ikuskatze kopurua 5000-6000koa. Asteburuetan zifrak erdira jaisten dira.

Sustatu etengabe berritzen doa, eta etorkizunerako baditu hainbat plan. Weblog hau bisitatzen duen trafikoaren ehuneko 10 Twitter eta Facebook moduko sare sozialetatik datorrela kontuan izanik, sare sozialen inguruan zerbitzuak sortzeko ideia badute.

Egia esan, webgune interesgarri eta erabilgarria dela uste dut, azken momentuko eta hainbat gai ezberdinetako informazioa aurkitzeaz gain, kontuan edukitzekoa da euskaraz eginiko webloga dela eta gure hizkuntza sare bidez sustatzeko modu ezin hobea dela. Hortaz, Sustatu.com ezagutzera gonbidatzen zaituztet!

Pasahitz aproposak aukeratzen jakitea ezinbestekoa da gaur egun hain arruntak diren sare bidezko delituak ekiditeko.

Pasahitzei dagokienez badira oso tipikoak diren ohitura txarrak, ditugun kontu guztietarako pasahitz bera edukitzearena adibidez. Honek arazo larriak ekar ditzake, izan ere, behin pasahitz hori ezagututa dugun edozein kontuetarako sarrera ahalbidetzen dugu.  Ohitura ona da kontu berri bat egiten dugun bakoitzean pasahitz berri bat sortzea, honela, naiz eta pasahitzen bat ezagutarazi kontu horri bakarrik afektatuko dio, beste kontuak seguru izango ditugu.

Arrunta den beste ohitura txar bat pasahitz arruntak erabiltzearena da. Sekuentzialak dira okerrenak, izan ere ez da imajinazio gehiegirik behar 1234abcd moduko pasahitzak probatzeko. Hau saihesteko onena pasahitz mistoak erabiltzea da, letrak, zenbakitak eta sinboloak alternatzen dituenetarikoak.

Ditugun kontu pribatuak arriskuan jarri dezaketen beste pasahitz mota batzuk datu pertsonaletan oinarritzen direnak dira. Imagina dezagun nire pasahitza nire jaiotze data dela, pixkatxo bat ezagutzen nauen edonork asamatu ahalko luke pasahitz hori, horregatik, inguruan dugun jendeak espero ez dituen pasahitzak erabiltzea gomendatzen da.

Azkenik, pasahitzak ordenagailuan gordetzearen inguruan bi gauza. Alde batetik, kontuan izan behar dugu gure atzetik doan pertsonak informazio hori eskuragarri izango duela eta bestetik, pasahitz horiek sarean gordeta gelditzen dira eta hacker-entzat ez da lan zailegia bertatik informazio hori lortzea. Hortaz, adi erabakitzen ditugun pasahitzekin eta kontu handia izan horiek non gorde erabakitzen dugunean.

Prentsa, internet, telebista, zinea… nire ustez banaka aztertu beharko genituzke, medio bakoitzak etikari ze tratu ematen zaion aztertzeko.

Prentsan adibidez etika presente egoten da gehienetan, prentsa arroxa eta sentsazionalistan oso gutxi, baina egunkari eta aldizkarien munduan orokorrean errespetuz eta etikoki idazten da.

Telebista adibidez kontrako kasua da, etika sakrifikatuz saiatzen dira audientzia geroz eta altuagoak lortzen. Nire iritziz morboa da telebistaren programazioaren zati nagusienaren muina. Errespetua ez da interesgarria, etikak aspertu egiten gaitu.

Etikaren gutxiespena gaur egun bizi dugun gizartearen ondorioa dela uste dut, ikusleok, entzuleok eta abar etika exijituko bagenu medioek etikaz jokatuko lukete baina, nahiz eta ez onartu, gaur egungo gizarteari interesatzen zaiona etikatik urrunen dagoen hori da.

Asko aguantatu eta gero neskak ezin izan zuen gehiago eta herri horretatik alde egin zuen bere mutilarekin bizitzera.

Nire ustez oso argi dago hemen gertatu zena, neskaren aldetik zuhurgabetasun handia izan zen horrelako bideo bat mugikorrean gordeta uztea, hala ere mutikoak saltseatu izan ez balu ez litzateke ezer gertatuko eta horra noa orain, mutilaren partetik ere falta grabea izan zen bideoak ikustea. Mugikor bat aurkituz gero eta tabernan egonda, barran utzi beharko luke edo deiak ikusi eta deitu mugikor hori aurkitu duzula esateko.

Hala ere, nire ustez arazko eta akats handiena, mugikor horretan aurkitutako bideoa berera pasatzea izan zen. Ze intentziorekin? Horrelako gauzak bakarrik zabaltzen direla dakigu, mutil horrek errespetu minimo bat eduki izan balu ez zuen horrelakorik egingo.

Hortaz, nire ustez neskaren aldetik zuhurgabetasuna izan zen eta mutilak sekulako errespetu falta demostratu zuen bideoa zabaltzerako garaian. Amaitzeko, teknologia berriak aipatu behar ditut. Izan ere, istorio hau ezin izango zen hainbeste zabaldu horiek gabe. Teknologiek abantailak ekar ditzakete baina hori guk ematen diegun erabileraren araberakoa izango da.

Bertan, komunikazioaren inguruko gaiak jorratu ziren baina bat azpimarratzearren konbergentziarena aipatuko nuke. Telebista interneten aztertu zuten eta konbergentziaren inguruko datu interesgarriak azaldu zituzten. Telebista gaur egun ezagutzen dugun moduan etorkizun gehiegirik ez duela azaldu zuten, izan ere, telebistan programazio jakin eta aldaezin bat dago, hori ikusi nahi duenak perfekto baina, hori nahi ez duenak? Hor konpon?

Argazkiaren egilea: Natalia Alustiza

Askoz ere errazagoa eta erosoagoa da ordenagailua piztu eta sarean bilatzea ikusi nahi duguna, publizitaterik gabe (ia…), etenik gabe (nahi ditugunak soilik), nahi dugun momentuan… ez ordutegirik ez ezer, nahi duguna nahi dugunean.

Azaldu zutenez etorkizuneko telebistak interneterako sarrera edukiko du. Telebista piztu bezain pronto menu  moduko bat agertuko zaigu eta bertan; telebista, tuenti, facebook, youtube… eta guk erabakiko dugu zer nahi dugun ikusi edo egin.

Amaitzeko, internetez aritu ziren, internetatik ezin da bizi. Negozio moduan ikusiz gero ez da etekin gehiegi ematen duen negozio bat. Askea eta arautu gabeko esparrua da eta oso webgune gutxik kobratzen duten hauek erabiltzeagatik. Facebook-en sortzailea adibidez, bertan agertzen den publizitateaz bizi da, ez webguneak berak dirua ematen duelako. Oso konplexua da internet negozio bilakatzea, aske eta dohainik ezagutu dugulako eta oraindik behintzat oso jende gutxi dago horrelako zerbitzuengatik ordaintzeko prest.